ابتدي باسم الذي رحمته للعالمين
وارتجيه بلادي يدوم للعليا قدرها
واهدي انا الابيات يسمعها ملايين
وينشد بها مليون ومليون يكررها
اليوم يوم الوطن ثلاثة و تسعين
وانا سعودي واعد لبلادي مفاخرها
ياوطن لك الميقاف والقاف الوزين
من عقود الراس لحروفه هجرها
وجزل القصيد اليوم ميعاده يحين
دام المبتغى تاريخ لامجادك واثرها
يا وطن عزك يدوم بالحبل المتين
وخدمة البيتين لك دايم فخرها
يا مهبط الوحي والدين . اليقين
كلمة التوحيد من دارك نشرها
امة الاسلام فيك ساسها امي امين
استنار الناس به من جهل اسرها
وبعده الفتنة تدور من شام ويمين
اشعلت بعقول ابليس احتكرها
ولكلمة التوحيد كم دارت ميادين
صالت بها سيوف والاجرب تصدرها
وسنة الخاتم تدوم بالحق المبين
واشرقت بالنور والخالق نصرها
يوم ابوتركي وجاها بالساس الرزين
قادها لتوحيد والفتنة دحرها
شيدها بنور العلم والأمر المكين
وبخُطا المرسول لها ارسم بصايرها
خلا الجزيرة دار للشرع وعرين
وذي مكة وطيبة تشهد له منابرها
عبد العزيز و لجل دستور ودين
لشبه الجزيرة حد ورسٌى بحرها
والمملكة صار اسمها والبيرق يبين
وكلمة التوحيد راية والغاية نشرها
ارسى عليها سعود الشبل الركين
يمشي بتقوى الله وبيمين نذرها
ارسخ لدور العلم والمنهج رصين
علا صروح المجد للعلم وزهرها
وبعده حماها السيف الحرالفطين
قايد فنون الحرب لا دندن وترها
الفيصل اللي هابته لندن وبرلين
اذهل عقول الغرب بافعاله جبرها
اعطى كسنجر درس واقلب له موازين
ويوم المواكب جت بالصحرا قهرها
يشهد له العالم وتكفي فلسطين
كلمه مدى التاريخ باقِ يسطرها
اما شهيد لحرب اوموتي يحين
والا بلاد القدس بامر الله محررها
وخالد امان وأمن ولعهده سنين
توالت سحوب الخير ماوقف مطرها
والفهد فهد الجزيرة واسمه ثمين
عمّر البيتين بإسم خادم. عمرها
شيد الدولة ولها حصن حصين
اوفى الوعد والعهد والهمة تصدرها
ابو فيصل سديد الراي للحكمة قرين
شيب عقول عداه لا والله دمرها
عاهد بكلمة وقال يالفكر المشين
وعد الجزيرة الموت ياباغي ضررها
ووعد الفهد معروف للجار الزبين
أما تدوم ثنتين أو يمحى أثرها
وعبدالله شديد الباس فكاك الرهين
شد الزمام وجد وكل موجة عبرها
طاف الديار وعرّف الغرب والصين
ويش السعودية وش مبتداها وخبرها
عرّف الجاهل وش السعودية ببراهين
يشهد لها التاريخ ولعصور يعاصرها
عرّف الجاهل بماضيها الثمين
وابهر الناظر من شوفه لحاضرها
لصوت المنادى رد بصوت الملبين
بدرع الجزيرة هام والشوكة كسرها
ولافواه الغدر رد بالقول السمين
وبهيبة الجسار صكصك حناجرها
خلا مدعي العلم من علمه يستهين
يوم انه عرف علم السعودية ومخابرها
واصبحنا بلاد العز والحكم الرزين
حتى ربينا بحال على خير غمرها
واليوم لها سلمان حكم سلاطين
شيد صروح الشرع والفتنة جحرها
يوم الملاقا رد للحقد الدفين
ارسل عليه صقور وجباله جمرها
يدري عن اللي به ومنهو له يعين
دار الخزى طهران وهو قادر يطهرها
الله عطاه الفكر والعقل الذهين
اكتسا بالعلم وعلومه معسكرها
اترأس العالم وفي قمة العشرين
وكم دولة عظمى وبحلمه بهرها
ارتجف له ترامب واذعن له بوتين
اكبرقوى الارض رخى مناخرها
يابو فهد وتدوم يالراس الفطين
حاكم بلاد الشرق والغرب ببحرها
سيدي تسلم ويسلم منهو لك يمين
نعم السند تكفي علومه ومخابرها
محمد ولي العهد وتفخر به يمين
يمينٍ على درب الجد مسايرها
هذي بلاد المملكة وانصتوا ياسامعين
دار الرخا دار الوفا وكل خاين خسرها
للمواقف حاسمة واحسبوا ياحاسبين
عِدها ثم عِدها والله ماتحصى ثمرها
هذي بلاد المملكة وبين قوسين
تحكِّم كتاب الله والسنة شعايرها
هذي بلاد المملكة خادمة البيتين
يشهد لها من زار وللبيت اعتمرها
هذي بلاد المملكة نخلة وسيفين
دار العدل والخير والعاقل يفسرها
وحنا حماة الدار ولثغورها حامين
احذر ياباغي الشر لا تقدح شررها
دونها نموت والله اعطينا اليمين
دونها نموت والله مايوطا حجرها
يا وطن بالعز دوم مرفوع الجبين
وابشر بشعبِِ ولك ارواحه نذرها
هذي قصيدة مجد لعقود وسنين
قلتها شاعر ولجل مجدِِ اسطرها
وصلو على المختار الامي الامين
نبينا الخاتم باسمه السنة امرها
………… *كتبها* …………..
* *وليد عابد الكنيدري* *
